28 ноември 1912, Албанија прогласила независност од Отоманското Царство

На денешен ден Исмаил Ќемали ја повел албанската нација кон независност отцепувајќи ја од вековното ропство на Отоманското Царство.

Големо народно собрание било свикано во градот Валона на кое присуствувале 40 делегати. Едногласно било одлучено Албанија да стане независна држава.

Денот се празнува и како Ден на албанското знаме бидејќи тогаш албанското знаме било подигнато во слободната Валона. Четири и пол века претходно, на истиот ден во 1443 година, Скендербег го истакнал истото знаме во градот Кроја кој го ослободил од Османлиите.