28 септември 1928, Флеминг го открил пеницилинот

Шкотскиот физичар и бактериологист сосема случајно открил нешто кое подоцна ја променило медицината.

Оставајќи непокриена чинија со бактерија стафилокок, Флеминг приметил дека на неа се формирала мувла која ги убила повеќето бактерии. Оваа мувла ја идентификувал како penicillium notatum, слична на онаа која се формира на бајат леб.

„Некогаш човек наоѓа нешто кое не го барал. Кога на 28 септември 1928 година се разбудив нешто по изгрејсонце, во никој случај не планирав да направам револуција во медицината откривајќи го првиот антибиотик на светот, или убиец на бактерии. Но, го направив токму тоа“, рекол подоцна Флеминг.

За ова откритие Флеминг во 1945 година ја добил Нобеловата награда за физиологија/медицина заедно со Хауард Флори и Ернст Борис Чеин.

Модерната медицина не може да се замисли без помошта од пеницилинот, благодарение на кој милиони луѓе преживеале победувајќи разни болести.