Лорен (29) одлучила да води живот без секс, но била решена да стане мајка. Сега го очекува нејзиното прво бебе што го зачна со ин витро.
На оваа млада жена од Канада не ѝ пречи што е девица. Не дека стои на плоштад и им кажува на сите што ќе поминат, но не ѝ се брза да има секс. И не само тоа, таа во голема мера се има откажано од тоа и верува дека целиот живот ќе го помине без секс.
Дел од ова се должи на пореметување на жлездите поради кое има дисбаланс во лачењето хормони во нејзиното тело, но исто така има врска и со тоа дека таа воопшто не е заинтересирана за секс.
Наспроти советите од докторите и нејзините пријатели, таа решила да побара донатор на сперма и да забремени вештачки и да го одгледа детето како самохрана мајка.
Лорен вели дека со оваа одлука исто така се трга од „понудата“ на сингл девојки, особено од социјалните мрежи и апликации за запонавање луѓе, каде според неа има одвратни луѓе кои кажуваат најужасни работи.
„Откако успеав да забременам имаше неколку моменти кога почувствував дека можеби ќе беше убаво да имам некој покрај мене во овие моменти. Понекогаш од љубопитство можам да се ‘смувам’ со некого, но тоа чувство брзо ми поминува бидејќи не се чувствувам своја додека го правам тоа“, вели Лорен.
На прашањето дали има нешто што би им го порачала на девојките кои не се повеќе девици или размислуваат да имаат секс, но уште не го направиле тоа, Лорен одговара:
„Само познавајте се себе си доволно. Колку повеќе се познавате себе, толку поудобно ќе се чувствувате во врска со иборите што ги правите. Јас знам што ми е удобно мене, знам што сакам. Луѓето постојано велат дека треба да најдеш време за да се сакаш себе си. Знам дека звучи како досадно клише, но тоа е најдоброто нешто што може да го направите. Откако ти ќе знаеш што сакаш, нема да ти биде гајле што мислат другите.“
