Цената на кученце со педигре двојно се зголеми за време на пандемијата со новиот коронавирус.
Интересот за домашни миленици порасна со воведувањето на карантините поради пандемијата со COVID-19 од почетокот на март, а големата побарувачка доведе и до зголемување на цените.
Просечната цена порано изнесуваше речиси 2.000 евра за кученце, но за време на пандемијата значително порасна побарувачката за одредени видови расни кучиња што се продаваа и за над 3.000 евра, покажуваат статистичките податоци.
Хуманитарните организации за заштита на животните предупредуваат дека високите цени би можело да придонесат за зголемување на случаите на криумчарење и кражба на расни кучиња со педигре. Тие исто така препорачуваат кога размислувате за земање домашно милениче да ја разгледате и опцијата за вдомување кучиња без педигре.
Податоците од веб-страницата Pets4Homes, засновани на околу 150.000 огласи за продажба на кучиња, покажаа дека просечната цена на кутре од најбараните раси од март до септември изнесувала околу 2.000 евра, а во истиот период лани цената била 970 евра.
Меѓу топ 20 најбарани раси на кои драстично им пораснала цената за време на пандемијата се: француска пудла, кокер шпаниел, лабрадор, јоркширски териер, џек расел...
Кученца од расите кокер шпаниел или пудла во просек сега изнесуваат по 3.000 евра, а англиски и американски булдог се продаваат за околу 2.900 евра.
Дали Вие би купиле расно куче или би вдомиле од стационар?