31 јули 2006, Фидел Кастро ја предал власта во Куба на брат му Раул

Раул Модесто Кастро Рус (шпански: Raúl Modesto Castro Ruz; роден на 3 јуни 1931), бил претседател на Државниот совет и Советот на министери на Република Куба, односно шеф на државата и шеф на владата. Помладиот брат на Фидел Кастро бил првиот секретар на Централниот Комитет на Комунистичката партија на Куба.

На 31 јули 2006 година ја презел должноста на Претседател на Државниот Совет. Тоа бил дел од трансферот на власта помеѓу него и Фидел Кастро, кое следело поради болеста на неговиот постар брат. Според 94 член од Уставот на Куба, првиот Заменик-Претседател на Советот на Државата ги презема претседателските овластувања, во случај на смрт или болест на претседателот.

Фидел Кастро на 18 февруари 2008 година најавил дека веќе нема да ги врши претседателски должности. На 23 февруари 2008 година, кубанскиот Парламент едногласно го избрал Раул Кастро за нов претседател на Куба и командант на нејзините вооружени сили.