Фудбалската репрезентација на Перу се пласираше на Светското првенство во Русија после цели 36 години, но поради политиката која ја спроведува перуанската политичарка Палома Ноцед би можеле да останат без пласман на Мундијалот.
Имено, споменатата претседателка на Одборот за образование, млади и спорт предложила нов закон според кој Фудбалскиот сојуз на Перу би станал дел од Институтот за спорт, што е спротивно од одредбите на ФИФА.
Од порано е познато дека Светската фудбалска организација најригорозно го казнува мешањето на политиката во спортот, а наводно веднаш побарале дополнителни информации од Перуанците во однос на тоа дека веста ја напиша и пренесе Перуанскиот весник Libero.
Доколку предлог законот помине, многу веројатно е дека ФИФА ќе го суспендира перуанскиот сојуз и на тој начин ќе ги исфрли од Мундијалот, а во тој случај не е познато која репрезентација би заиграла на нивно место во Русија следната година.
Исто така, Фудбалскиот сојуз на Перо веднаш реагирал кај претседателот на владата со цел ваква одлука да не се дозволи.
Перу со победата над Нов Зеланд успеа да си обезбеди пласман на Светското првенство, прв пат после 36 години.
