Околу 38.000 турски граѓани кои живеат во странство гласале на првиот ден од гласањето за референдумот за уставните промени со кои ќе се овозможи зголемување на надлежностите на претседателот на Турција, пишува весникот „Hurriyet“.
Весникот се повикува на информации на Задграничниот центар за координација на изборите, кој тврди дека само во првиот ден гласале околу 38.000 лица, што е многу повеќе во однос на бројот на граѓани што гласаа на општите избори што се одржаа во ноември, 2015 година. Тогаш на првиот ден гласаа околу 10.000 иселеници со право на глас.
Околу 3 милиони турски граѓани имаат право да гласаат на референдумот во 120 турски дипломатски мисии во 57 држави.
