Силиконското срце би можело да се вградува на пациенти кои чекаат трансплантација.
Напредните техники на 3D принтање со кои се создаваат меки роботи и машини, наскоро во иднината ќе спасуваат животи. Научниците од Универзитетот EТХ во Цирих со помош на 3D принтер создадоа вештачко срце од силикон и го изложија на тестови кои симулираат работа на вистинско срце кое пумпа крв во нашето тело.
Нивното срце се состои од клетки како вистинско, а со обзир на структурата од едно парче силикон, нема проблем во работата како традиционалните вештачки срца со метални или пластични механизми за пумпање, кои се подложни на дефекти.
Во сегашната фаза, срцето може да одработи околу 3.000 отчукувања, со што може да го одржува пациентот во живот помеѓу 30 и 45 минути, но ова е прототип во рана фаза, па научниците бараат поиздржлив материјал. Веруваат дека со ова атехнологија ќе создадат срце кое на почетокот ќе може да им помогне на пациентите кои чекаат трансплантација, но во иднина би можело да стане и заменско срце кое ќе работи како вистинско, па дури и подобро од него.
