Љубовта е слепа, а кога сме заљубени не гледаме некои погрешни работи што ни се пред носот.
Најлошото е што кога ќе го фатиме партнерот како изневерува или кога нѐ повредува, дури тогаш сфаќаме дека сме вљубени во погрешна личност.
Овие четири знаци покажуваат дека можеби сте вљубени во таква личност:
„Ќе ти се јавам подоцна. Денес бев зафатен, утре ќе разговараме. Премногу сум уморен да зборувам“ - ако сето ова звучи познато, запрашајте се дали сте со вистинската личност. Мора да земете предвид дека саканата личност нема секогаш да биде слободна, но постои тенка линија што прави разлика. Ако вие сте личноста која постојано бара нечие време, но без успех, запомнете дека сте скапоцени, исто како и вашето време, ако не и повеќе.
Иако недостатокот на комуникација сам по себе е јасен знак, сепак некои работи укажуваат дека врската е пред распад. Започнува со тоа што другата личност ве избегнува некое време. Ако вашиот партнер ве избегнува, нема за што да разговара со вас, не се обидува да комуницира, не му е грижа каде сте и како сте, време е да сфатите дека работите можеби нема да одат онака како што вие сакавте. Пред да инвестирате премногу од вашите емоции, седнете, опуштете се и размислете дали вреди?
Ако зборувате само кога тој/таа е најрасположен/а, големи се шансите вашата врска да пропадне на долг рок. Работите на таков начин не можат да функционираат долго, дури и кога сакате тоа да успее. Размислете двапати пред целосно да се предадете на таква личност.
Вашата поубава половина може да ве опсипува со најубавите зборови за тоа колку таа ве сака, колку е вљубена во вас, но ако следниот ден се запрашате поради нивните постапки дали е тоа вистина, имате погрешна личност. Ако видите дека вашиот партнер е добар само со зборови и не спроведува сѐ што ќе каже, би било добро навреме да ја преиспитате ситуацијата.