45 илјади гледачи гледаа четвртолигашки натпревар во Бразил
Финалето на четвртата лига на Бразил го следеа точно 44.896 гледачи на преполниот „Амазонија“ стадион во градот Манаус.
Првиот натпревар помеѓу Манаус и Бруске заврши 2:2, а го гледаа едвај 4 и пол илјади гледачи. Со истиот резултат заврши токму и овој, па пеналите го решија победникот. Тимот на Бруске победи 6:5 на пенали и стана четвртолигашки шампион на Бразил.
Двата финалиста, како и полуфиналистите Итуану и Жакуипенси изборија пласман во повисок ранг.
