Властите во Калифорнија веќе 18 месеци го истражуваат скандалот со откривање на кориснички податоци од Facebook и ја обвинија компанијата за попречување на истрагата.
Откривањето на оваа истрага е најновата лоша вест за Facebook, веќе постои истрага во 47 американски држави, пренесува Reuters.
Некои држави, особено Њујорк и Небраска, изразија загриженост дека Facebook и другите технолошки компании ги изложуваат податоците на корисниците на потенцијални кражби на податоци и ги зголемуваат цените за рекламирање.
Од Facebook нема коментари за овие наводи.