Љубов и секс

5 брутални вистини за пријателството со бенефиции

28. јули 2016 - 13:15 | Кајгана

Пријателството со бенефиции си има и свои добри страни и веројатно сите сме имале по некој ваков пријател во одреден период од животот. Но, пред да се впуштите во вакво пријателство, мора да ги знаете овие работи.

Иако на филм сè делува едноставно, во реалноста не е баш така.

Договор си е договор

Пријателството со бенефиции почнува со договор дека во него нема да има емоции, туку само секс. Договорот е договор, но за жал, во пријателството со бенефиции ретко кога двете страни се држат до условите од договорот.

Вљубувањето е забрането

А токму ова се случува најчесто. Истражувањата покажале дека најчесто жената е онаа која се вљубува и дека во вакви ситуации, мажите ретко возвраќаат на чувствата.

Не води кон врска

Некои жени се согласуваат на пријателство со бенефиции во надеж дека мажот некогаш ќе се предомисли и ќе сфати дека сака врска. Доколку мажот сфати дека сака врска, мали се шансите дека таа врска ќе биде со пријателка со бенефиции.

Тоа НЕ Е врска

Вечери, излегувања и одење во кино не се дел од пријателството со бенефиции. Максумумот кој можеш да го очекуваш е пица во кревет по сексот, но тоа и понатаму значи дека не сте ништо повеќе од пријатели со бенефиции.

Има свој рок на траење

Дури и ако сè е во најдобар ред, ваквите пријателства секогаш завршуваат. Не мора да значи дека ќе заврши лошо, но мора да бидете свесни дека секое пријателство со бенефиции е привремено решение додека двајцата не најдете нешто подобро.

Коментирај