Пријателството со бенефиции е популарен начин да се добие секс без вложување во врска. Океј, секогаш постојат исклучоци и пријателствата со бенефиции понекогаш функционираат баш како што би требало, но повеќето од нив со тек на времето пропаѓаат и тоа поради добри причини.
НАЈЧЕСТО НЕКОЈ ЛАЖЕ
Иако договорот е дека нема да има емоции, едниот, а најчесто жената, сепак развива чувства и почнува да се надева дека незадолжителниот секс ќе се претвори во врска.
ЗБУНУВАЧКИ Е
По сексот, жените често се врзуваат за мажите - не се работи само за чувства, туку и за хормонална реакција. Телото се поврзува со другото тело, а дури и ако навистина нема интелектуална или емоционална поврзаност, останува чувството на збунетост.
ПОСТОИ ПРИЧИНА ЗОШТО НЕ СТЕ ЗАЕДНО
Доколку толку добро се согласувате, зошто не сте заедно? Знаеме дека можеби е глупаво прашање, посебно доколку врска не е нешто што сакате, но да сте навистина толку супер пар, би биле вистински пар. Краткорочно ова можеби и не е важно, но долгорочно токму поради ова пријателството со бенефиции е осудено на пропаст.
ЈА БЛОКИРА ВИСТИНСКАТА ВРСКА
Долгорочно гледано, повеќето луѓе тежнеат да пронајдат некој со кој ќе бидат во врска која не е само сексуална. Пријателството со бенефиции е добра разонода, но со тек на време едниот од двајцата ќе стане свесен дека сака нешто повеќе со некој друг.
ИМА РОК НА ТРАЕЊЕ
Проблемот е во тоа што едниот ќе се засити порано, пред на другиот да му здосади или да почне да размислува за крајот.