Прескокнувањето јаже е една од најефикасните вежби за целото тело, но со оваа навидум едноставна вежба има и други придобивки кои треба почесто да се прават.
Оваа вежба влијае и на здравјето, бидејќи изведувањето на овие движења го забрзува чукањето на срцето и позитивно влијае на кардиоваскуларното здравје.
Ако досега не сте прескокнувале јаже и би сакале да почнете, можеби придобивките наведени подолу ќе ве поттикнат да ја направите оваа вежба вистински дел од вашата фитнес рутина.
Скокањето се смета за вежба со висок интензитет која, меѓу другото, може да помогне во согорувањето на калориите. Со скокање само десет минути може да согорите исто количество калории како при трчање 30 минути. Ова го прави идеален избор за сите оние кои сакаат да ослабат или да одржат здрава тежина.
Освен што согорува калории, прескокнувањето јаже е вежба која го промовира здравјето на срцето. Оваа вежба е одлична за кардиоваскуларниот систем бидејќи го забрзува пулсот, ја подобрува циркулацијата и работата на срцето и белите дробови. Изведувањето на оваа вежба позитивно ќе влијае на децата, младите и возрасните, односно сите оние кои сакаат да бидат здрави и фит.
За разлика од многуте вежби кои влијаат на одредени мускули, прескокнувањето јаже вклучува повеќе мускулни групи одеднаш. Освен што вежбате, во исто време се забавувате и ги тренирате мускулите на нозете, јадрото и горниот дел од телото, градите сила и издржливост, пренесува Health Shots.
Покрај зајакнувањето на мускулите на долниот дел од телото, како што се листовите, тетивите на колената и квадрицепсите, прескокнувањето јаже ги засега и средишните мускули, рацете и рамената. Иако нема да ги видите резултатите веднаш, по извесно време ќе забележите промена во силата на одредени делови од телото, односно мускулите со текот на времето ќе станат посилни.
Постојаното движење при прескокнувањето јаже може да има медитативен ефект, што помага да се намали стресот и анксиозноста, пренесува Health Shots. Додека ја изведувате оваа вежба, можете целосно да се смирите и само да се фокусирате на изведување на вежбата. Ако редовно прескокнувате јаже, вежбата може да ви ја подобри когнитивната функција.
