Често се наоѓаме во ситуации во кои нашиот партнер сака едно, ние друго, па сме принудени на компромис. Сè за мир во домот. Но, не секогаш можеме да се најдеме на половина пат.
Понекогаш е потребно да се жртвуваме за партнерот и да направиме како што тој би сакал, но треба да бидеме сигурни дека врската е вредна за жртвување. За да се избегне таков пресврт во настаните, важно е да знаете кога треба да се согласите со партнерот, а кога не треба да се согласите на компромис.
Ова се неколку основни ситуации во кои компромисот може да биде опасен:
1. Партнерот го одредува вашиот стил на облекување
Промената на стилот на облекување е нешто што треба да ви укаже на неговите вистински намери. Ако коментира дека сте премногу секси облечена и дека делувате заинтересирано за други мажи, треба да му дадете до знаење дека се дотерувате за себе и дека нема причина за грижа, а уште помалку за љубомора.
2. Ви забранува да имате пријатели
Доколку партнерот цели кон тоа да ви ги уништи односите со пријателите или ви забранува да се дружите со некои луѓе, можеби само претерано се грижи за вас или се плаши да не бидете повредени. Сепак, нема право да ви забранува да комуницирате со луѓето кои ви се драги. Обидете се да му ставите до знаење дека тој ваш пријател е една фина личност или обидете се подобро да ги запознаете, па можеби ќе најдат заеднички јазик. Ако продолжи да прави проблеми со вашите пријатели, тогаш веројатно е време за нов партнер.
3. Инсистира да ја промените работата
Кариерата е важен и составен дел од сечиј живот. Ако партнерот не ве поддржува вас и работата што ја вршите, или уште полошо, ви зборува да се откажете од неа, време е да размислите кон што води оваа врска. Со него го делите животот, плановите, финансиите. Многу е важно да ве поддржува и да ги разбира вашите причини. За почеток, мора да му дадете до знаење дека е тоа нешто што сакате да го работите. Прашајте го што е тоа што го загрижува и зошто не ве поддржува. Доколку и понатаму инсистира и се обидува да ги ограничи вашите одлуки, а пред сè и животните цели, време е да ја прекинете таквата врска.
4. Се меша во вашиот однос со родителите
Паровите се караат за различни работи, а често имаат конфликти поврзани со семејствата. Се случува партнерот да не се сложува со ставовите на вашето семејство и често да е склон кон тоа да се меша во вашиот однос со нив. Трудете се на било кој начин да ги ускладите односите меѓу нив, бидејќи нема причина поради неговото незадоволство да ги рушите семејните мостови изградени со вашето семејство.
5. Се обидува да ве промени вас и вашите навики
Некои врски можат да помогнат да ги увидите вашите грешки и на што може да поработите, но кога некој се обидува целосно да ве промени, тоа е знак дека е време да се спакувате и заминете од неговиот живот. Тоа е знак дека е време да си пронајдете некој на кој ќе му се допаѓате токму таква каква што сте, без да сака да ве промени.