Има многу квалитетни фудбалери, но само вистинските легенди добиваат искрени овации од противничките навивачи.
Моментално речиси и да нема фудбалер на кого сите подеднакво му се восхитуваат, како што е тоа случајот со Лионел Леси.
Најнов доказ за тоа видовме вчеравечер во Севилја каде повеќе од 54.000 навивачи му аплаудираа на Аргентинецот откако го „уништи“ нивниот тим.
Барселона ги совлада Реал Бетис со 4:1, а Меси постигна хет-трик.
Откако со фантастичен удар го комплетираше хет-трикот во 85-тата минута, сите присутни на стадионот „Бенито Вилјамарин“ станаа на нозе и му аплаудираа.
„Ова никогаш не ми се случило, но навивачите на Бетис секогаш добро нѐ третирале, иако сме ривали“, рече Меси.
Барселона го искористи поразот на Атлетико Мадрид, па 10 кола пред крајот на сезоната има 10 бода повеќе од „јорганџиите“.
