Секогаш е топла препорака да се посвојуваат мачки и кучиња кои се напуштени, исфрлени на улица или принудени целиот живот да го поминат надвор од топол дом и без љубов.
Од друга страна, има и такви со подлабок џеб кои можат да си дозволат да купат скапи мачки.
Некои раси на мачки се поретки од другите, а таа комбинација на реткост и убавина доведува до потреба да се издвои голема сума на пари, поради што може да ви се заврти во главата.
Меѓу најскапите раси на мачки, на прво место се најде персиската мачка која потекнува од Блискиот Исток. Таа е приврзана, мирна, и со кротка природа, често се дружи со мали животни како папагали и хрчаци. Не е претерано разиграна, па многумина ја нарекуваат салонска мачка, а нејзината цена достигнува и до 4.860 евра.
Веднаш зад персиската е руската сина мачка. Таа има свиленкасто крзно со сино-сива боја, смарагдно зелени очи, а многу е приврзана и лојална како куче. Цената може да достигне и до 2.600 евра.
Дали некогаш сте слушнале за мачка од савана? Тоа е хибриден вид создаден со вкрстување на дива африканска и домашна мачка. Бара некој кој ќе ѝ посветува внимание, бидејќи по природа е многу жива. Тоа е добар скокач, кој лесно може да скокне од подот до врвот на вашиот фрижидер.
Интересно е и тоа што оваа мачка има и смисла за хумор, а некои од нејзините омилени шеги се да се крие од сопственикот. Цената може да ѝ достигне и до вртоглави 18.000 евра!
Потекнува на островот Ман во Ирското Море и се смета за еден од најпребирливите видови. Манските мачки можат да имаат различни должини на опашката, но можат да бидат и целосно без опашка. Нивната цена се движи меѓу 180 и 3.500 евра.
Првата е родена во 1966 година во Торонто, а карактеристика ѝ е тоа што нема крзно. Таа е многу интелигентна, гласна и „зборлива“ и сака друштво. Добро се сложува со деца и кучиња. Таа не е вид кој сака да биде независен како другите мачки. Бидејќи немаат крзно, ова се исклучиво домашни мачки и не треба да бидат долго време на студ или изложени на директно сонце. Нивната цена се движи од 270 до 2.700 евра.
Шкотскиот фолд е многу интересна мачка со средна големина, особено препознатлива по малите, свиткани уши и многу симпатичен карактер. Свитканите уши се предизвикани од доминантен ген кој влијае на 'рскавицата во ушите, поради што тие добиваат специфичен облик. Ако сакате шкотски фолд да ви стане домашно милениче, ќе треба да платите помеѓу 180 и 2.700 евра.
