Откако минатата недела мал астероид ненадејно влезе во атосферата на Земјата каде изгоре на небото над Филипините, научниците предупредуваат дека моментално во вселената има неколку астероиди кои се закануваат да удрат во Земјата...
Научниците ширум светот минатата недела беа изненадени од неочекуваното влегување на досега неоткриен астероид во атмосферата на Земјата.
Малиот астероид, означен како 2024 RW1, широк околу еден метар, беше идентификуван само осум часа пред да изгори над Филипините. За среќа, беше премал за да предизвика некаква штета.
И покрај тоа, овој неочекуван настан е потсетник на потенцијалните опасности кои демнат во Сончевиот Систем за планетата Земја. Тој нè предупредува за потребата од постојано следење на ваквите појави и подобра подготовка за идни средби со астероиди.
Затоа експертите предупредуваат дека во моментов во вселената има неколку астероиди кои се закануваат да удрат во Земјата.
Астероидот Бену, откриен во 1999 година, моментално претставува најголем ризик за нашата планета. Со дијаметар од 480 метри и тежина од 67 милиони тони, тој е поширок од њујоршката Емпајер стејт билдинг и дури 200 пати потежок од неа.
Набљудувањата на НАСА покажуваат дека има 1 спрема 2.700 шанси да удри во Земјата на 24 септември 2182 година. Доколку Бену се судри со нашата планета, ќе се ослободи енергија еднаква на експлозија од 1,4 милијарди тони ТНТ, што е повеќе од комбинираната енергија на сите нуклеарни оружја што некогаш биле детонирани на Земјата.
Meet Bennu.
— NASA Artemis (@NASAArtemis) March 2, 2020
Bennu is a near-Earth asteroid that is being explored by NASA's OSIRIS-REx mission. OSIRIS-REx arrived on Bennu in Dec. 2018 and expected to find a surface similar to a sandy beach. Expectations did not match reality.
Full episode: https://t.co/xH4Gz1RZJb pic.twitter.com/uUtLA2I6kf
Астероидот 2023 DW би можел, со голема веројатност, да се судри со Земјата на 14 февруари 2046 година. Има пречник од 50 метри и е споредлив по големина со деструктивниот астероид кој падна во Челјабинск, Русија во 2013 година (видео подолу).
Движејќи се со брзина од 21,78 км/с во однос на Сонцето, во случај на потенцијален удар, би можел да срамни цел град. Првично проценети на загрижувачки 1 на 607 шанси за „слетување“ на Земјата, неодамнешните последователни набљудувања значително го намалија.
Со огромен дијаметар од 1,3 километри и тежина од 71 милион тони, астероидот 1950 DA ја претставува најразорната потенцијална закана за Земјата од вселената.
Евентуален судир би ослободил енергија еквивалентна на детонација на 75 милијарди тони ТНТ, што би можело да предизвика глобална катастрофа од размери на изумирањето на диносаурусите. Моменталните шанси овој астероид да удри во Земјата на 16 март 2880 година се 1 спрема 34.500.
Астероидот 2023 TL4 беше откриен минатата година и беше идентификуван како закана која, поради неговата огромна големина и тежина, може да стави крај на нашата цивилизација. Со дијаметар од 0,33 километри и тежина од 43 милиони тони, оваа вселенска карпа може да предизвика експлозија 150 пати посилна од советската хидрогенска бомба „Цар“, најмоќното нуклеарно оружје некогаш детонирано.
За наша среќа, научниците процениле дека постои релативно низок ризик од судир, од 1 на 181.000 и тоа дури на 10 октомври 2119 година. Ова им остава доволно време на вселенските агенции да преземат соодветни мерки.
Астероидот 2007 FT3 е класифициран како „изгубениот астероид“ бидејќи последен пат бил забележан во 2007 година. И покрај неизвесноста, НАСА проценува дека веројатноста за негово влијание е мала, наведува NDTV.
Постои 1 во 10 милиони (0,0000096%) шанса да се судри со Земјата на 3 март 2030 година, а уште помала шанса - 1 од 11,5 милиони (0,0000087%) тоа би можело да се случи на овој 5 октомври 2024 година.
Доколку некогаш се случи такво влијание, ослободената енергија би била еквивалентна на експлозија од 2,6 милијарди тони ТНТ, што потенцијално ќе предизвика регионално уништување, но не и глобална катастрофа.
Астероидот 1979 XB не е виден во последните 40 години и е уште еден „изгубен астероид“. И покрај неизвесноста, врз основа на набљудувањата од неговото откритие на 11 декември 1979 година, научниците процениле дека постои 1 од 1,8 милиони шанси (0,000055%) да удри во Земјата на 14 декември 2113 година.
Ако XB 1979 би се судрил со Земјата, ударот исто така би ослободил огромно количество енергија, што е еквивалентно на детонација од 30 милијарди тони ТНТ.
Судирите на астероидите со Земјата се изненадувачки чести, па се проценува дека во нашата атмосфера дневно влегуваат дури 48,5 тони метеорски материјал. Поголемиот дел од него претежно согорува, создавајќи го она што ние го нарекуваме „ѕвезди што паѓаат“. Сепак, појавата на поголеми објекти кои се пробиваат низ атмосферата и ја погодуваат Земјата е доста ретка. Меѓутоа, само затоа што судирите на астероиди се малку веројатни, тоа не значи дека тие не се невозможни.
Вселенските агенции секако ги следат овие појави. Како подготовка за потенцијални идни закани, американската НАСА и европската ЕСА веќе тестираат различни методи на отклонување на астероиди, вклучително и брзи судири со сателити, за да ги исфрлат потенцијално опасните астероиди од курсот.
