7 март 1876, Бел го патентирал телефонот

На денешен ден 29-годишниот шкотски пронаоѓач го патентирал изумот кој подоцна направил револуција во начинот на кој комуницира човекот.

Александер Грем Бел бил роден во шкотски Единбург, но во 1872 се преселил во Бостон каде добил работа како професор на Бостонскиот Универзитет. Таму силно се заинтересирал за можноста за пренесување зборови преку жици. Телеграфот веќе постоел, но Бел сакал пософистицирана направа, или како што Бел првично ја нарекол направата - „хармоничен телеграф“.

Со помош на Томас А. Вотсон, Бел изработил прототип на телефон во кој звучните бранови предизвикале електрична струја да се разликува по интензитет и фреквенција, предизвикувајќи тенка, мека железна плоча, наречена дијафрагма, да вибрира. Овие вибрации магнетски се пренесувале на друга жица поврзана со дијафрагмата во друг, далечен инструмент. Кога дијафрагмата ќе вибрирала, оригиналниот звук ќе се реплицирал во увото на инструментот што примал.

Три дена по поднесувањето на патентот, телефонот ја пренел својата прва разбирлива порака - познатата „Mr. Watson, come here, I need you“ - од Бел до неговиот помошник.