73-годишен грчки тркач го заврши Автентичниот маратон бос и облечен како атински хоплит.
На 73 години, Идомениас Аврамакис, тркач од Ираклион на Крит, остави невиден впечаток за време на Автентичниот маратон во Атина, чија должина е 42.195 километри.
Аврамакис трчаше бос, облечен во полн спартански оклоп, го привлече вниманието на сите и успешно ја мина целта по 8 часа и 50 минути.
Приказната на Идомениас Аврамакис е навистина инспиративна. Пред многу години тој се соочил со сериозна здравствена криза која драстично му го променила животот. Бил во кома еден месец, но кога се разбудил, целиот негов поглед на животот и природата се променила. Оттогаш, никогаш не пропуштил Автентичен маратон, а учествувал и на повеќе меѓународни настани.
На овогодишниот маратон двојна победа остварија грчките тркачи: Харалампос Пицолис кај мажите со време од 2:18:56, а Стаматиа Нула кај жените со време од 2:40:20.
Инаку, настанот Автентичен маратон од 1972 година се одржува редовно, еднаш годишно. Тоа е рекреација на подвигот на војникот Фидипид кој трчал од местото на Битката кај Маратон до Атина за да соопшти за победата на Атињаните над Персијците. Автентичниот маратон почнува од градот Маратон и завршува на античкиот стадион Калимармаро во Атина.
