9 март 1908, основан бил Интер
Откако се случил раскол во Милан, група Италијанци и Швајцарци, незадоволни од забраната за странци во Милан, се одвоиле и го формирале Интернационале. Уште од почетокот, клубот бил отворен за странци, што и му дава значење на неговото име.
Својата прва титула ја освоил веќе во сезоната 1909/1910 кога станал шампион на Италија, а потоа ќе освои вкупно 20 Скудета. Денес има и 9 титули во Копа Италија, 8 во домашниот Суперкуп, 3 во Лигата на шампиони, 3 во УЕФА купот и 3 Светски клупски шампион.
Низ клубот продефилирале легенди како Леополдо Конти, Луиџи Алемади, Џузепе Меаца, Атилио Демарија, Џовани Ферари, Алдо Кампатели, Бенито Лоренци, Иштван Њерш, Марио Корсо, Сандро Мацола, Џачинто Факети, Луис Суарес, Жаир, Тарчизио Бурњич, Роберто Бонинсења, Габриеле Ориали, Алесандро Алтобели, Џузепе Барези, Алдо Серена, Џузепе Бергоми, Рикардо Фери, Валтер Ѕенга, Карл-Хајнц Румениге, Андреас Бреме, Лотар Матеус, Никола Берти, Јирген Клинсман, Џанлука Паљука, Хавиер Занети, Иван Заморано, Роналдо, Алваро Рекоба, Кристијан Виери, Иван Кордоба, Марко Матераци, Дејан Станковиќ, Естебан Камбијасо, Луиш Фигу, Жулиу Сезар, Валтер Самуел, Мајкон, Диего Милито, Мауро Икарди, Федерико Димарко, Лаутаро Мартинес...
И тројца македонски фудбалери биле дел од овој клуб. Прв беше Дарко Панчев кој во 1992 година дојде во Милано, но не се прослави. Во 2001 пристигна Горан Пандев кој играше во младинскиот тим, замина во Лацио, а се врати на иницијатива на Жозе Мурињо во јануари 2010 за веднаш да освои Скудето, Копа Италија, Лига на шампиони и Клупски мундијал. Во меѓувреме, од 2005 до 2009 во младинскиот тим настапуваше и Горан Славковски кој запиша само 1 настап и тоа рушејќи го рекордот на Бергоми за најмлад играч на Интер кој заиграл во Серија А (17 години и 1 месец), рекорд кој потоа беше срушен од Федерико Бонацоли.
