99-годишен Австралиски пливач го сруши светскиот рекорд во своја категорија на 50 метри пливање со слободен стил.
Џорџ Корoнeс забележа време од 56,12 секунди на официјално натпреварување, со што сруши нов рекорд во старосната категорија меѓу 100 и 104 години.
Тој го сруши претходниот рекорд за дури 35 секунди, кој бил поставен уште од 2014 година.
На Коронес му било дозволено да се натпреварува, бидејќи во април ќе наполни 100 години. Тој изјави дека е воодушевен од својот успех.
„Ова беше фантастично пливање за мене, добро е балансирано, бев подготвен да одам до крај и силно да удрам со рака во ѕид“, изјави Коронес за „BBC“.
Тој додаде дека е воодушевен од публиката која му понудила голема поддршка.
Коронес живее во Бризбејн, бил добар пливач во младоста, а на овој спорт му се вратил повторно на 80 години.
„Прекинав да пливам кон почетокот на Втората светска војна. Не пливав се до заминување во пензија, но се вратив поради вежбање“, вели Коронес.
Поставувањето на нов рекорд за него било исцрпувачко искуство, но успеал благодарение на добрата подготовка.
Тој тренира три пати неделно во базен, а исто така посетува и теретана.