Светските трендови полека, но сигурно доаѓаат кај нас, е-трговијата е сè поприсутна, а голем удел во тоа има и пандемијата која го забрза развојот на ова поле во нашата држава. Пандемијата го промени начинот на кој ги извршуваме нашите секојдневни обврски, а со тоа и начинот на кој се информираме, купуваме и плаќаме сметки. Со тоа голем дел од бизнисите делумно или целосно се префрлија на онлајн продажба, но А1 Македонија со отворањето на A1 Live Shop отиде чекор пред сите.
А1 Live Shop е првата и единствена виртуелна продавница на македонскиот пазар која на корисниците им обезбедува уникатно дигитално искуство во купување на телекомуникациски услуги. Тоа што виртуелната продавница го нуди, а е различно од класичното онлајн купување, е можноста корисниците во живо да разговараат со А1 агент и да добијат детални информации за услугите на А1 како и во било кој продажен салон, без разлика каде и да се.
Предноста на А1 Live Shop е можноста за уникатно искуство за купување преку интернет за секого, особено во време кога е важно да држиме дистанца, да останеме безбедни и да го заштитиме нашето здравје и здравјето на другите. Преку виртуелната продавница корисниците директно разговараат со продажен агент на А1, преку видео стриминг и имаат можност одблизу да го погледнат посакуваниот уред и да ги добијат сите одговори поврзани со самите уреди и услуги кои ги нуди компанијата и купувањето да го завршат лесно и безбедно. А1 Live Shop нуди можност за склучување или обнова на договор, како и можност за купување нов уред на рати.
Пристап до А1 Live Shop и разговор со агент на А1 е едноставно и може да се изврши преку кликање на иконката со А1 експерт што се појавува на веб-страницата www.a1.mk/liveshop по што корисникот треба да го внесе својот телефонски број и првиот слободен А1 агент ќе се јави во најкраток можен рок. Корисникот добива можност да го види агентот на екранот, да започне интеракција, при што приватноста е целосно зачувана бидејќи агентот не може да го види корисникот. За купувањето да биде побрзо и поедноставно за посетителите, тимот на А1 Live Shop ќе обезбеди персонализиран пристап кон целиот процес на онлајн купувањето.