Кошаркарите на МЗТ Скопје Аеродром триумфираа попладнево во „македонското дерби“ против Пелистер со 80:64 (51:38) во АБА 2 лигата и ја запишаа втората победа во третиот натпревар во новата сезона.
Пелистер подобро го отвори натпреварот и поведе со 26:18 по првата четвртина, но актуелниот македонски шампион брзо ги среди своите редови и веќе на полувреме имаше висока предност од 13 кошеви.
На стартот на четврта четвртина МЗТ Скопје повeде со уште повисоки 71:54 и рутински го помина натпреварот до самиот крај.
Во отсуство на повредениот Мекиќ, најефикасен во редовите на МЗТ Скопје беше Црногорецот Милошевиќ со 29 поени.
