Газдата на Челси упати убави зборови кон поранешниот играч, а сега и поранешен тренер Френк Лампард кого го отпушти денеска.
„Ова беше многу тешка одлука за клубот, не само поради тоа што имам одличен личен однос со Френк, а имам и огромна почит кон него“, вели пораката на рускиот милијардер објавена на клупската официјална веб-страница.
„Тој е човек со голем интегритет и поседува највисока работна етика. Сепак, со оглед на моменталната ситуација, веруваме дека е најдобро да направиме промена“.
Лампард за време на својата играчка кариера 13 сезони ги бранеше боите на Челси, а како тренер застана на клупата во јули 2019 година.
„Од името на сите во клубот, управата и лично јас, би сакал да му се заблагодарам на Френк за неговара работа како главен тренер и му посакувам сѐ најдобро во иднина“.
„Тој е важна икона на овој голем клуб и неговата позиција останува непроменета. Тој секогаш ќе биде топло пречекуван на 'Стемфорд Бриџ'“, заврши Абрамович.
Шпекулациите велат дека Абрамович веќе се договорил со Томас Тухел да го наследи Лампард на клупата на „Сините“.
