Дефанзивецот на Италија во пресрет на дуелот против Белгија открива дека за него предизвикот да го чува Ромелу Лукаку е многу поголем отколку да го чува Кристијано Роналдо.
На Франческо Ачерби му беше поставено прашање, од гледна точка на дефанзивец, кој напаѓач е најтежок за чување.
„Веројатно Лукаку бидејќи е комплетен фудбалер, како и Кристијано Роналдо кој секогаш постигнува гол“
33-годишниот централен бек која доаѓа од редовите на Лацио ја има довербата кај Роберто Манчини и на Европското првенство настапи на три од четирите натпревари на Италија.
„Како централен напаѓач Лукаку е многу потежок за чување бидејќи има далеку поголема физичка сила, силен е и со тоа е поцелосен напаѓач“.
Воедно, настапувајќи во Серија А тој и во текот на сезоната има шанса да игра и против Лукаку и против Роналдо, па оттаму е и кадарен да оцени кој е потежок за чување.
„Кристијано Роналдо е класичен напаѓач, но е многу полесен за чување од Лукаку“, заврши тој.
Италија и Белгија играат во петок вечер од 21 часот на „Алианц“ арената во Минхен, а победникот ќе обезбеди место во полуфиналето.