Адел се раздели од сопругот Симон Конецки, потврди портпаролот на пејачката.
Во соопштението за јавноста стои дека двајцата „ќе останат посветени на тоа заедно и со љубов да го израснат и воспитуваат нивниот син“.
30-годишната Адел се омажи за Конецки по пет години врска, во 2016 година.
Двојката во 2012 година го доби синот Анџело.
Светски познатата пејачка ги има објавено бестселер албумите 19, 21 and 25.
Во нивното заедничко соопштение, Адел и Конецки побараа од јавноста да ја почитува нивната приватност во врска со нивното разделување.
Двајцата се венчаа тајно, а Адел прв пат јавно проговори за бракот во говорот кога примаше Греми награда во 2017 година и му се заблагодари на „сопругот“.
Нејзиниот прв албум објавен во 2008 година, на кој беа хитовите „Chasing Pavements“ и „Hometown Glory“, се искачи на прво место на албумската топ листа во Велика Британија
По него следеше планетарно популарниот албум 21 што се најде на првото место на албумските топ листи во 30 земји, вклучувајќи ги САД и Велика Британија.
Нејзиниот трет албум 25 се продаде во рекордни 800.000 примероци во првата недела од објавувањето и стана нејпродаван албум во 2015 година.
Во март годинава Адел беше видена како влегува во музичко студио во Њујорк, што ги подгреа шпекулациите дека работи на нов албум.