„Ова не е лично моја битка ниту битка на ДУИ со било која партија, ова не е битка на Албанците со Македонците, туку е битка помеѓу вас, македонските партии“, рече Џеват Адеми од ДУИ на денешното продолжение од конститутивната седница.
Тој кажа дека не се согласува со менталниот склоп на пратениците од ВМРО-ДПМНЕ кои велат дека „се продадени Кичево, Струга и Скопје“ и воедно ги праша каде се продадени ако веќе мислат дека се.
„И ние Албанците од Македонија сме граѓани на Република Македонија. Не сакам да се вратам наназад што значи коалиција. Коалиција е да ги здружиш силите кога не можеш сам“, рече Адеми.
Тој повторно потврди дека Мајски договор за коалиција победник со победник постоел и кажа дека пратениците од ВМРО-ДПМНЕ плачат по власт.
„ Ги извртевме работите. Ова ќе потрае. Внимавајте што зборувате, бидејќи цената ќе ја платиме сите“, рече Адеми.
