Јанис Адетокунбо говореше за искуството со грчката репрезентација на изминатиов ЕвроБаксет, но и откри дека има голема желба за наредната Олимпијада.
Популарниот Грик Фрик се подготвува за новата НБА сезона во дресот на Милвоки Бакс, но и натаму со мислите е во репрезентацијата на Грција која иако беше меѓу најтесните фаворите за освојување на европскиот трон, доживеа разочарувачка елиминација во четвртфиналето од Германија.
Сега Јанис изрази желба да биде знаменосец на грчката делегација на Олимпијадата во 2024 година, која ќе се одржи во Париз, Франција.
„Ќе имаме две добри шанси да освоиме медали - на Светското првенство и, се надевам, на Олимписките игри. Изградивме посебен тим. За Бакс играм 10 години, но да носам репрезентативен дрес е посебна чест. Можеби е повозбудливо, им носиме радост на милиони навивачи. Никогаш во животот не сум почувствувал толкава љубов од целиот свет. Навивачите нѐ следеа каде и да одевме. Од Мадрид, каде одигравме пријателски натпревари, до Милано и Берлин каде се одржа ЕвроБаскетот. Како што напишав на социјалните мрежи, ова лето повторно се заљубив во кошарката. Би било одлично да бидам знаменосец на Олимпијадата во 2024 година, но пред тоа мораме да направиме нешто за да го постигнеме тоа“, изјави Јанис за COSMOTE TV, носителот нма правата за НБА преноси во Грција.