Ноќеска се одиграа само три натпревари од НБА лигата, а победи остварија Милвоки, Минесота и Сан Антонио.
Милвоки Бакс ја пречека Јута Џез во „Фајзерв Форум“ и ја декласираше со 123:100. Незапирливи кај домашните беа Јанис Адетокунбо и Демиен Лилард. Гркот оствари дабл-дабл со 31 поен и 16 скокови, додека Лилард уфрли 34 поени, а имаше и 7 асистенции и дури 4 украдени топки. Зад нив беше Боби Портис со 19 поени.
Кај гостите од Солт Лејк Сити најефикасен беше Филипинецот Џордан Кларскон со 18 поени и 7 асистенции, а 14 поени запиша Колин Секстон.
Минесота Тимбервулвс на гостински терен во „Јунајтед Сентр“ го совлада Чикаго Булс со 135:119. Ентони Едвардс го предводеше својот тим до победата со 33 поени, 8 скокови и 6 асистенции, Џулис Рендл постигна дабл-дабл од 22 поена и 10 скокови, додека а Мајк Конли имаше дабл-дабл учинок со 14 поени и 11 асистенции.
Кај Чикаго најдобар беше црногорскиот репрезентативец Никола Вучевиќ со 25 поени, еден поен повеќе од Коби Вајт кој додаде и 8 асистенции.
Во последниот натпревар од вечерта Сан Антонио Спарс во „Фрост Бенк Сентр“ го совлада Портланд Трејл Блејзерс со 118:105. Домашниот тим беше предводен од Малаки Бранам и Келдон Џонсон кои имаа по 17 поени, а вториот запаша и дабл-дабл благодарение на 11-те скокови.
Повеќе поени од нив постигна дуото на гостите од Портланд, Диандре Ејтон и Џерами Грант, кои имаа по 21 поен, а репрезентативецот на Бахамите запиша и дабл-дабл додавајќи 10 скокови.
Резултати:
Сан Антонио Спарс - Портланд Трејл Блејзерс 118:105
Милвоки Бакс - Јута Џез 123:100
Чикаго Булс - Минесота Тимбервулфс 119:135
Табела:
