Адетокунбо се сретна со претседателката на Грција: И да не добиевме грчки пасоши, повторно тука ќе се враќавме

Ако некој некогаш ни кажеше дека со напорна работа, по осум години ќе бидеме тука, ќе седиме и ќе разговараме со првата жена претседател на Грција, ќе ви кажев дека ме лажете, рече грчкиот кошаркар и член на Милвоки Бакс, Јанис Адетокунбо, по приемот кај претседателката на Грција Катерина Сакеларопулу, јави дописничката на МИА од Атина.

Јанис, заедно со мајка му Вероника и брат му Алекс, кои добија грчко државјанство, претпладнево се сретнаа со грчката претседателка, а при излегувањето од Претседателската палата, во изјава за неколку медиуми, меѓу кои и МИА, популарниот Грик Фрик, очигледно длабоко трогнат, но во обид да остане смирен, накусо ја раскажа неговата приказна, но и приказната на неговите родители.

„Размислувам и се потсетувам како беше сите овие години. Бидејќи јас пораснав со родители од Нигерија, кои во Грција дојдоа во 1990 година. Живееја нелегално во Грција, се жртвуваа за нивните деца, нѐ запишаа во грчко училиште, нѐ израснаа овде. Нелегални беа овде, се плашеа да излезат надвор, нѐ научија на принципи, нѐ оставија да ја научиме грчката култура, рече Адетокунбо.

Додаде дека на средбата со Сакеларопулу, грчката претседателка сакала да ја чуе нивната приказна и истакна дека без разлика на документите и добиените пасоши, Грција, за семејството Адетокунбо секогаш ќе биде нивниот дом.

„Осум години подоцна, тогаш родителите ја гледаа нашата иднина. Ние не знаевме, бевме деца. Осум години подоцна, со посветеност и со напорна работа, овде сме, со првата жена претседател на Грција. Седевме, разговаравме. Сакаше да ја слушне нашата приказна, ни ја раскажа нејзината приказна. Вчера, кај премиерот и мајка ми и брат ми добија грчки пасоши. И да не ги добиеја, секогаш тука ќе се враќаме. Овде е нашата татковина“, истакна Јанис.

Со оглед на тоа дека семејството Адетокунбо задоцни на средбата со грчката претседателка, Јанис се извини за доцнењето, велејќи дека паралелно со тренинзите е и бебиситер со оглед на тоа дека неодамна му се роди и второто дете.

Сакеларопулу, нејзиниот пример како прва жена претседател и прототип за младите девојчиња, го спореди со примерот и придонесот на Јанис за децата.

„Како што велите за мене, дека како прва жена претседател сум прототип за младите девојчиња дека може да успеат, Вие сте голем прототип за младите, за малите деца. Децата уште од основно училиште ја имаат вашата фотографија во нивните соби, многу значи. Тоа е секако и товар, но е и многу важно. Ова мислам дека го добивте и како спортист, но и со вашето претставување и со вашиот морал. Секако, ова е нешто што доаѓа од семејството и го негува како што расте“, истакна Сакеларопулу.

Претседателската палата се наоѓа во строгиот центар на Атина, веднаш до Националната градина и е на мапата туристички атракции во грчката престолнина, па така во моментите кога семејството Адетокунбо пристигнуваше на средбата, но и при заминувањето, голем број туристи случајно се најдоа во близина, не можеа да поверуваат дека го гледаат Јанис во живо.

„Ова е лудо. Од Португалија сум и поминувавме низ паркот и го видов Јанис Адетокунбо. Многу го сакам, голем фан сум на НБА. Ова беше толку неочекувано“, рече за МИА турист од Португалија, кој заедно со неговата девојка случајно го видоа двократниот МВП.

Вчера, во Премиерската палата во Атина, во присуство на грчкиот премиер Кирјакос Мицоракис, мајката на Јанис, Вероника Адетокунбо, и Алекс, најмладиот од браќата Адетокунбо, добија грчко државјанство.

реклама

Избрани 31 градоначалник во првиот круг, ВМРО-ДПМНЕ со најмногу победници

Read more

Апасиев: Имаме советници во над 30 општини

Read more

Малолетната ќерка на Хајди Клум позираше со разголени гради за Rollacoaster

Read more

Данела Арсовска изби во водство пред Петре Шилегов во трката за градоначалник на Скопје

Read more

Кошарка

МЗТ Скопје поуспешен на гостувањето кај Еуро Никел

Read more

Одбивањето да се вакцинира ќе го чини Ирвинг 200 милиони долари

Read more

Ашаданов го објави поширокиот список за евро-квалификациите

Read more

Далас на Дончиќ изедначи НБА рекорд во победата над Хорнетс

Read more
 

Спорт

МЗТ Скопје поуспешен на гостувањето кај Еуро Никел

Читај повеќе

АТП листа: Федерер испадна од топ 10

Читај повеќе
  • play_arrow

Во античка Олимпија запален олимпискиот оган за ЗОИ Пекинг 2022

Читај повеќе

Одбивањето да се вакцинира ќе го чини Ирвинг 200 милиони долари

Читај повеќе
  • play_arrow

Мурињо: Требаше да победиме, најмалку нерешено

Читај повеќе

Клоп во Салах гледа најдобар фудбалер во светот

Читај повеќе

Дебитантско финале на Индијан Велс

Читај повеќе

Ф1: Објавен календарот за новата сезона со рекордни 23 трки

Читај повеќе

Циципас и Зверев испаднаа од Индијан Велс

Читај повеќе