Ѕвездената топка го доби своето јубилејно 20-то издание, а со неа ќе се игра нокаут-фазата која почнува веќе утре.
Во 2001 година УЕФА во соработка со Adidas ја создаде првата ѕвездена топка, инспирирана од логото на Лигата на шампионите. Оттогаш оваа топка стана симбол за најсилното натпреварување на светот.
Новата топка се вика „Finale Istanbul 21“ во чест на финалето кое оваа сезона ќе се игра во Истанбул.
„Топката нуди контрола, аеробатска стабилност и безбеден зафат преку термички врзани шестоаголни панели, ѕвезди што се преклопуваат и текстуриран слој. Споена со одржлив лепак, топката нуди лесна површина и подобрен прв допир за уште поголема прецизност на теренот“, велат од УЕФА.
Лигата на шампионите продолжува утре вечер со натпреварите Барселона - ПСЖ и Лајпциг - Ливерпул, а ќе заврши со фналето на 29 мај на „Ататурк“ олимпискиот стадион во Истанбул.