Вооружени крадци провалиле во дом во скопската населба Аеродром, додека домаќините спиеле. За среќа, во инцидентот нема повредени лица.
Според информациите на МВР, вчера во 23:20 часот, Д.Ц. (71) од Скопје во полиција пријавила дека двајца непознати сторители извршиле обид за кражба во нејзиниот дом на булевар „Јане Сандански“.
„Додека Д.Ц. и нејзиниот сопруг спиеле, сторителите насилно влегле во домот, им се заканиле со пиштол и физички ги нападнале. Откако пријавителката почнала да вика, сторителите си заминале и не одзеле ништо“, соопшти МВР.
Од таму велат дека се преземаат мерки за пронаоѓање на сторителите и за целосно расчистување на случајот.
