Источна Африка се одделува од остатокот на континентот во рамките на геолошки настан, кој за милион години би можел тој континент да го остави без неговиот „рог“. Сепак, оваа природна појава уште сега создава проблеми.
Геолошкото отцепување на источната страна од континентот, кое еден ден ќе го исполни океанот, се шири многу побргу, отколку што научниците тоа го претпоставуваа.
Од таа причина, кенискиот прометен пат Маи Махиу, се сруши откако под него се појавија пукнатини, соопшти Кениската национална управа за автопати.
При отцепувањето се појавила и вода, што дополнително го влошила проблемот со зодавање на пукнатини во земјиштето.
„Големото отцепување ја дели Африка на две плочи. Заклучивме дека сомалската плоча се одделува од остатокот од континентот со брзина од 2,5 сантиметри по година. Ако овој тренд продолжи, сомалската плоча ќе продолжи да се одделува од нубијската плоча, што би можело дополнително да ја загрози моменталната инфраструктура и безбедност на жителите“, изјави геологот Дејвид Адеде.
Научниците ќе продолжат да работат на проучување на оваа појава, за да можат да ја советуваат владата во врска со најбезбедните места за градење патишта и куќи.
Одделувањето на сомалската плоча е предизвикано од движењето на дел од земјината обвивка, која ја пренесува топлината од Земјиното јадро кон нејзината површина.
