Според новата листа на TripAdvisor, африканскиот остров Маврициус е идеален избор и најдобра дестинација за меден месец.
Новите податоци на TripAdvisor вклучуваат списоци на најдобри локации за соло патување, најдобри културни локации и локации во тренд.
Вклучени се и најдобрите локации за меден месец во светот. На врвот на листата на светски локации идеални за меден месец е африканскиот остров Маврициус, кој се карактеризира со пријатна тропска клима.
Главната локација на овој остров е Порт Луис, а познат е по романтичните плажи, чистата и бистра вода. Маврициус го освои ова признание поради атрактивноста на островот за парови кои сакаат романтичен одмор од соништата, а на второто место се најде Бали, додека на третото место се Малдиви, а потоа следуват Хои Ан, Пукет, Санторини, Занзибар, Фиренца, Ла Фортуна де Сан Карлос и Св. Луција.
Потсетуваме дека според World Travel Awards, титулата најромантична дестинација за 2024 година ја освои Бали. Ова признание ја нагласува трајната привлечност на островот, освојувајќи ги срцата на патниците ширум светот, особено на паровите кои бараат незаборавно романтично бегство.
Наградата ја истакнува не само живописната убавина на Бали, туку и неговото длабоко културно наследство и гостопримството што ја прави секоја посета незаборавна. Меѓу номинираните, Маврициус е на врвот и на оваа листа.
