Над 80 проценти од анкетираните Афроамериканци сакаат и понатаму американската полиција да патролира по улиците во нивните населби, вели едно истражување на јавното мислење.
И покрај тоа што протестите под паролата „Black Lives Matter“ и натаму се активни барајќи намалување на буџетот на полицијата, сепак, тоа воопшто не значи дека Афроамериканците не ја поддржуваат полицијата.
Истражувањето кое групацијата Gallup го објави синоќа вели дека 81 процент од испитаните Афроамериканци сакаат полицијата да не го намалува своето присуство на улиците или дури и да го зголеми за да се чувствуваат побезбедни.
Поддршката за полицијата доаѓа и од испитаниците од другите раси кои живеат во САД. Дури 88 проценти од белите Американци ѝ дадоа поддршка на полицијата, 83 проценти од Латиноамериканците, додека нешто помала поддршка од 72 проценти ѝ даваат Азијците.
Во анкетата биле опфатени 36.000 возрасни Американци од целата територија на САД.
Исто така, анкетата го потврди и она што досега важеше, а тоа е дека Афроамериканците почесто приметуваат полиција. Околу 73 проценти рекле дека низ улиците „понекогаш“ или „често“ среќаваат полиција. Останатите раси на истите прашање дале процент од 65.