Air Serbia планира да ги обнови летовите до повеќе од 30 дестинации до крајот на јуни.
Српската авиокомпанија ја прошири листата на дестинации до кои ќе лета од јуни, па од Белград за Скопје ќе почне да обавува летови од 15 јуни.
Обновените дестинации ги вклучуваат Сплит, Ница, Венеција и Киев, каде ќе лета од 28 јуни. Летовите за Солун, со кои требаше да почне од 15 јуни, сепак ќе бидат одложени до крајот на јуни, објави порталот exyuaviation.com
Air Serbia нагласува дека обемот на летови ќе зависи од одлуките на домашните, странските и меѓународните тела и регулаторни тела за патнички сообраќај, како и од промената на рестрикциите за патување што важат во земјите до кои сообраќа авиокомпанијата.
Летовите од Белград до Сараево ќе бидат повторно активни од 4 јуни, до Бања Лука од 5 јуни, до Њујорк од 6 јуни, до Подгорица и Тиват од 8 јуни, до Софија, Тирана, Диселдорф, Штутгарт, Копенхаген, Рим, Милано, Прага, Букурешт и Истанбул од 15 јуни.
Загреб, Брисел и Берлин ќе бидат достапни од 16 јуни, Стокхолм и Тел Авив од 17, а Барселона од 20 јуни.
Летовите од Ниш до Нирнберг ќе бидат повторно активни од 16 јуни, а до Тиват од 30 јуни.
Летовите од Краљево до Виена ќе бидат достапни од 30 јуни.