Фудбалерите на Ајакс синоќа остварија уште една убедлива победа, а овојпат во петтото коло од холандската Ередивизија на „Јохан Кројф Арена“, го совлада тимот на Камбур со дури 9:0. Израмнија и рекорд стар 40 години.
Уште пред натпреварот беше јасно колку Ајакс е фаворит против клуб кој има десетици пати помалку квалитетна екипа, а преовладуваше желбата за голови, па ја наполни гостинската мрежа.
Веќе во првото полувреме домашниот тим водеше со 4:0 со головите на Тимбер, Бергуис, Мазрауи и Нерес, а во второто полувреме слабите гости се предадоа уште повеќе.
Тадиќ, Дарами, Халер, Данило и Нерес постигнаа по уште еден гол, па осум различни стрелци постигнаа голови на овој натпревар бидејќи само Нерес постигна два гола.
Ова е вторпат во историјата на холандската прва лига осум различни стрелци да постигнат гол по 30 август 1981 година кога Ајакс го совлада Де Графшап со 9:1.
Инаку, Ајакс е на првото место на Ередивизија со 13 бода по пет кола пред ПСВ, кој има 12, но и натпревар помалку. Камбур е во солидна деветта позиција.