Рибарот Скот Харагучи бил нападнат од ајкула додека бил во својот кајак околу 3 километри од брегот на островот Оаху на Хаваите. Инцидентот го снимила неговата камера.
Харагучи, кој тогаш брзо реагирал, успеал да ја исплаши ајкулата со нога, објави Sky News.
„Ајкула! Ме нападна ајкула!“, се слуша како Харагучи вика по нападот.
На својот YouTube канал напиша дека сè се случило толку брзо што не сфатил што точно се случило додека не го погледнал видеото дома.
„Не сфатив дека ја извадив левата нога од вода за да се заштитам од ударот и всушност со неа ја турнав главата на ајкулата“, раскажува тој.
Харагучи истакна дека ако од него се побара повторно да го направи тоа, дури и без ајкулата, тој не мисли дека би имал флексибилност.
„Имав многу лоша среќа што ме нападна, но многу среќа затоа што го снимив“, изјави тој за локалната телевизија KITV.
Според Одделот за водни ресурси на Хаваи (ДАР), досега годинава имало четири напади на ајкули.
