Ајнштајнова белешка во која ја опишува неговата теорија за среќен живот објавена е после 95 години и наскоро ќе се најде на аукција во Ерусалим.
Ајнштајн оваа белешка ја предал на еден свој доставувач во 1922 година во Токио, каде држел предавања, а ја напишал откако дознал дека добил Нобелова награда.
Како што пренесува Russia Today, Ајнштајн во хотел империјал му врачил достава на курирот, но бидејќи физичарот немал ситно да му плати за испораката или курирот одбил да прими пари, Ајнштајн му поклонил две белешки на германски.
Член на семејството на курирот сега одлучил овие белешки да и ги открие на јавноста и да ги продаде на аукција.
„Ако имаш среќа, можеби овие белешки ќе ти бидат многу повредни од еден обичен совет“, му рекол Ајнштајн на курирот, тврди неговиот роднина.
Во една белешка стои: „Мирен и скромен живот донесува повеќе радост отколку потрага за успех проследена со постојани немири“.
„Каде има волја, таму има и начин“, напишано е на друга бела хартија.
Белешките немаат научна вредност, но зборуваат за неговата емоционална интелигенција и начин на размислување.
