Акциите на Renault пораснаа за речиси 15 отсто во текот на денот на Париската берза, засилени со планот за поддршка на Владата за автомобилскиот сектор и откривањето на новата стратегија од страна на алијансата Renault-Nissan-Mitsubishi Motors.
Околу пладне една акција на Renault се разменуваше за 21,96 евра, односно пораст од 14,62 отсто, на пазарот кој имаше пораст од 1,88 отсто.
Овој ентузијазам за Renault се должи на „објавување на стратешкиот план и зголемени синергии со Nissan-Mitsubishi Motors благодарение на „одвојувањето на задачите и многу поострата географска распределба помеѓу овие три субјекти на алијансата“ , коментараа аналитачарите.
Renault, Nissan и Mitsubishi Motors во средата најавија дека сега ја насочуваат профитабилноста како приоритет и ќе ѝ стават крај на трката за количини, во спротивност со стратегијата на соборениот поранешен шеф на групата, Карлос Гон.
Новата стратегија на тој начин планира заеднички да развие и произведе речиси 50 отсто од нивните модели до 2025 година, што „треба да овозможи да се намалат трошоците и инвестициските трошоци по модел до 40 отсто за возила дизајнирани според оваа нова шема, соопшти Алијансата.
Најавата на француската Влада за огромен план за поддршка од над 8 милијарди евра за автомобилската индустрија, тешко погодена од кризата со коронавирусот, исто така помогна за скокот на акциите на Renault. Покрај тоа, речиси целиот автомобилски сектор е добро ориентиран на берзата.
Акциите на Peugeot пораснаа за 7,76 отсто на 13,95 евра, Plastic Omnium за 7,73 отсто на 20,48 евра, Valeo за 5,78 отсто на 22,88 евра и Faurecia за 3,78 отсто на 38,20 евра.
