Продолжува низата добри вести за Елон Маск во 2020 година.
Вредноста на акциите на неговата компанија Tesla скокнаа за 40% во два дена, откако американски аналитичар предвиде дека производителот на електрични возила има потенцијал да го трансформира глобалниот транспорт и дека пазарната вредност на компанијата би можело да се искачи на 1,3 илјади милијарди долари за помалку од пет години.
Вредноста на акциите на компанијата со седиште во Калифорнија вчера порасна за 17% на 912 долари по акција, со што пазарната вредност на Tesla се искачи на 164 милијарди долари, што е повеќе од комбинираната вредност од 104 милијарди долари на „големата тројка“ од Детроит - General Motors, Ford и Fiat Chrysler.
Преходно, на крајот на јануари, Tesla за првпат пријави годишен профит и без проблем ги надмина прогнозите на Волстрит за последните три месеци од 2019 година.
Tesla имаше само неколку квартални профити во десетте години откако слободно се тргува со нејзините акции на берзата. Гледано чисто сметководствено, компанијата пријави уште една загуба за 2019 година. Но, Tesla пријави профит од 386 милиони долари во последните три месеци од 2019 година според оперативната база што ја користат повеќето аналитичари и инвеститори. Тоа значи дека ѝ остануваат 35,8 милиони долари профит за целата година.