Акциите на Tesla доживеаја дополнителен пад бидејќи проблемите поврзани со производството во Кина продолжуваат.
Ова поттикна уште еден аналитичар да ја намали 12-месечната целна цена за акциите на овој производител на електрични автомобили.
„Со производство од околу 13.000 автомобили неделно и повисоки од просечните маржи, секоја загуба во Шангај сигурно ќе има значително влијание врз маржите и заработката“, рече аналитичарот Џајрам Нејтан, кој ја намали својата целна цена на акцијата од 1.150 на 800 долари.
До неодамна, акциите на Tesla важеа за акции со висок раст. Тие се зголемија за повеќе од 50 отсто минатата година, а на 4 април, кога Маск објави дека поседува 9,2 отсто од акциите на Twitter, достигнаа цена од 1.145 долари по акција. Оттогаш, акциите се најдоа во слободен пад, за вчера да се тргуваат по 620,57 долари.
Откако Маск го откри својот удел на Twitter, акциите на Tesla паднаа за 42 отсто во споредба со падот од 13 отсто на индексот S&P 500 и падот од 26 отсто во дискрециониот потрошувачки сектор S&P 500. Акциите на Tesla се седми најлоши резултати во S&P 500.