Многу активни рекреативци го користат овој лек секојдневно, а тој го спречува растењето на мускулите и затоа не се гледа резултатот од вежбањето.
Ако посветено работите, а резултатите никаде ги нема, можеби за тоа е виновен бруфенот. Редовното земање лекови против болки на база на ибупрофен го спречува развојот на мускулите.
Лековите што содржат ибупрофен се најчест избор кога нешто нѐ боли, но едно најново истражување покажа дека овој лек го спречува очекуваниот раст на мукулите и покрај напорното вежбање во теретана.
Иако научниците не се сосема сигурни зошто се случува ова, извесно е дека ибупрофенот го забавува процессот на зараснување на мускулните влакна по напорниот тренинг, поради што мускулите не можат да „пораснат“, без разлика на вашите напори.
Оние кои сакаат да набилдаат мускули на здрав начин, со вежбање, особено младите, треба сериозно да намалат со користењето антиинфламаторни лекови на база на ибупрофен, советуваат лекарите.
Во истражувањето на Институтот Каролинска од Стокхолм, групата испитаници на вораст од 18 до 35 години била поделена на две подгрупи. Првата по вежбање земала мала доза аспирин, а втората ибупрофен.
По осум недели, испитаниците од првата група имале два пати поголеми мускули од втората, со ист интензитет на вежбање.
