Добриот ноќен сон им помага на луѓето полесно да ослабнат и да ја поттикнат правилната работа на метаболизмот, се наведува во новото истражување.
Откриено е дека повеќето од луѓето кои се на диета, а имале редовна навика на спиење, полесно ослабнале во пределот на струкот.
Четири петтини од оние кои спиеле редовно имале и навика редовно да се исхрануваат, односно да внесуваат три оброци дневно, што исто така им помогнало да изгубат килограми.
Најдобрите резултати биле постигнати кај луѓето кои спиеле околу 7 и пол до 8 часа дневно. Оптималното време за заспивање се смета дека е околу 22:10, затоа што имате дваесетина минути да заспиете и доволно време за квалитетен ноќен сон.
„Се нарекува ‘Сон за убавина’ бидејќи редовниот и квалитетен сон ни помага да изгубиме килограми и да живееме поздрав живот. Ова истражување покажа дека клучни за успех на диетата се дисциплината и рутината. Доколку не си легнете на време, поголеми се шансите дека потешко ќе заспиете, што може да доведе до неквалитетен сон и станување од креветот и барање на храна во фрижидерот“, рече Ли Смит, директор на организацијата Forza Supplements, која го изврши ова истражување.
Исто така, резултатите од истражувањето покажаа дека луѓето кои спијат помалку од седум часа дневно имаат нездрави навики на прејадување и нередовно јадење, што доведува до зголемување на бројот на килограми.
