Канадскиот актер Ник Кордеро почина на 41 година од компликации предизвикани од COVID-19. Актерот мина 95 денa во болница, каде му беше ампутирана и ногата. Веста за неговата смрт ја соопшти сопругата Аманда Клотс.
„Бог сега има уште еден ангел на небото. Мојот драг сопруг почина утрово, беше опкружен со љубов од семејството. Моето срце е скршено, не можам да си го замислам животот без него. Тој многу го сакаше своето семејство. Беше неверојатен актер и музичар“, напиша Аманда на социјалните мрежи.
Во брак стапија во 2017 година, имаат син роден во 2019 година.
Од актерот се простија и неговите колеги и пријатели.
„Шокирана сум од веста. Моето срце е со неговото семејство. Почивај во мир“, напиша Присила Присли.
Кордеро се зарази со коронаворусот во април, беше на респиратор, а мораа да му ја ампутираат десната нога поради згрутчување на крвта.
Неговиот организам бил многу ослабен и повеќе не можел да се носи со здравствените проблеми кои настанале од болеста. Кордеро глумеше во ТВ-сериите„Law & Order: SVU“, „Blue Bloods“, во филмовите „Inside Game“, „Mob Town“ и други.