Актерот Патрик Демпси е прогласен за најсекси маж оваа година од магазинот People.
Патрик Демпси речиси две децении важи за еден од најпосакуваните мажи на светот, а најголемо внимание привлече во серијата Gray’s Anatomy (Вовед во анатомија) каде го глумеше хирургот Дерек Шеферд.
Тој одигра значајни улоги во филмовите: Made of Honor, Bridget Jones's Baby, Sweet Home Alabama, Enchanted, Devils, Ferrari и други.
„Мило ми е што тоа се случува во овој момент од мојот живот. Убаво е да се добие признание, а ми дава можност да го искористам ова за нешто позитивно“, изјави 57-годишниот актер.
Покрај актерството, тој го основа и Dempsey Center во чест на неговата покојна мајка и служи како центар за поддршка на болните од рак.
Тој е во брак со 57-годишната шминкерка и основачка на линија за убавина Џилијан Финк. Тие се венчаа во 1999 година, а заедно ја имаат ќерката Талула (21) и 16-годишните близнаци Саливан и Дарби. Пред бракот со Џилијан, седум години беше во брак со актерката Роки Паркер.
За потсетување, магазинот People ја доделува оваа титула од 1985 година, кога ја освои Мел Гибсон, а лани титулата за најсекси маж ја освои актерот Крис Еванс. Пред него титулата ја освоиле, меѓу другите, актерот Пол Руд, Мајкл Б. Џордан и Идрис Елба.
