Пол Ритер, англискиот актер најпознат по своите улоги во минисеријата HBO „Chernobyl“ и филмовите „Harry Potter and the Half Blood Prince“ and „Quantum of Solace“, почина на 54-годишна возраст.
Според изјавата на неговиот агент, Ритер починал вчера, 5 април, од компликации поврзани со тумор на мозокот.
„Пол беше исклучително талентиран актер кој со извонредна вештина одигра разновидна палета на улоги, како на сцена, така и на филм“, рече агентот на Ритер. „Тој беше жестоко интелигентен, љубезен и многу смешен. Многу ќе ни недостасува“.
Во „Chernobyl“, Ритер го портретираше Анатолиј Дјатлов, заменик-главен инженер во нуклеарната централа во Чернобил. Минисеријата од 2019 година освои 10 награди Еми и два Златни глобуса.
Ритер ќе остане запаметен и по улогата на Елдред Ворпл во „Harry Potter and the Half Blood Prince“ од 2009 година и Гај Хајнс во Џејмс Бонд филмот „Quantum of Solace“ од 2008 година.
Ритер исто така ѝ беше познат на публиката во Велика Британија по неговата улога во комичната серија на Channel 4 TV „Friday Night Dinner“. Во 2012 година, серијата доби номинација за БАФТА за најдобра ситуациска комедија.