Ал Пачино на 82 години ќе стане член на клубот стари татковци, пишуваат таблоидите, по веста дека неговата девојка Нор Алфала (29) е во осмиот месец од бременоста.
Оскаровецот и младата продуцентка го очекуваат своето прво заедничко дете, потврди претставникот на актерот за TMZ.
Пачино и Алфала се во врска од април 2022 година. Тие беа видени минатиот месец во луксузниот ресторан „Балди“ во Лос Анџелес.
Главниот лик на Scarface е татко на три деца со две жени: близнаците Оливија Пачино и Антон Џејмс Пачино (22) од бракот со Беверли Ди Анџело и, Џули Пачино (33) од бракот со Џен Терант.
Веста за бременоста доаѓа истиот месец кога неговиот долгогодишниот колега Роберт де Ниро (79) го дочека седмото дете со девојката Тифани Чен. Токму затоа, и Пачино се најде на насловните страници со веста дека ќе стане татко.
Холивудските легенди глумеа заедно во неколку филмови, меѓу кои The Irishman (2019), Heat (1995) и The Godfather 2 (1974).
Алфала претходно беше во романса со иконата на „Ролинг стоунс“ Мик Џегер и милијардерот Николас Бергруен.
„Разликата во години не е проблем за Алфала,“ изјави извор за Page Six во април 2022 година, додавајќи дека кувајтско-американската продуцентка најчесто излегува со многу богати постари мажи.
„Таа е во друштво со богати луѓе од џет-сетот и доаѓа од семејство со пари“.
Алфала е родена во Беверли Хилс, ја посетувала школата за театар, филм и телевизија UCLA, а подоцна продолжува со кариерата како продуцент.
