Албанска парламентарна комисија првпат во посета на Пустец

Членовите на Комисијата за правни работи, јавна администрација и човекови права на Собранието на Албанија, со поддршка на ОБСЕ, беа во посета на Општина Пустец каде што се сретнаа со градоначалникот Пали Колефски и неговите соработници. Нивната средба беше на покана на пратеникот Васил Стерјовски кој потекнува од Пустец,

Ова е првпат парламентарна комисија на албанскиот законодавен дом да ја посети Општина Пустец. На средбата стана збор за положбата на припадниците на македонската заедница во Пустец, нивната интеграција и предизвиците со кои се соочува Општината.

Градоначалникот Колефски ги покрена прашањата кои се поврзани со условите за живот, немањето вода за пиење и канализација, лошата патна инфраструктура, малиот буџет кој Општината го добива од централната власт.

Директорот на гимназијата, Трајан Ванѓеловски, го покрена прашањето за недостигот на учебници по предметите што треба да се одржуваат на наставата по македонски јазик.

– За проблемите кои се покренаа на оваа средба ќе подготвиме извештај како комисија и ќе бараме од надлежните институции решавање на истите. Сакам посебно да ја нагласам најголема почит за македонската заедница во Албанија, која е мирољубива, достоинствена и трудољубива. Пратеникот Васил Стерјовски е најдобриот адвокат на македонската заедница во албанското Собрание, рече Улси Мања, претседател на комисијата, додавајќи дека македонската заедница е мост на соработка меѓу Албанија и Македонија.

Васил Стерјовски им се заблагодари на колегите за нивната посета на општина Пустец.

– Проблемите кои ги слушнавте во Општина Пустец редовно сум ги покренувал во Собранието, но друго е кога пратениците доаѓаат да видат одблиску, да се запознаат со условите за живот во Општина Пустец која е запоставена во последните 30 години. Со мало внимание од централната власт, Општина Пустец ќе стане пригодно место за живеење, рече Стерјовски.

На средбата присуствуваше и потпретседателката на албанскиот Парламент, Василика Хиси, која е Гркинка по потекло. На својот Facebook профил по посетата таа напиша:

„Живоописно место со одлични можности за развој на туризмот е Пустец во Преспа, населено со македонското малцинство. Правната комисија оствари средба со раководството на Општина Пустец. На состанокот се разговараше за интеграцијата на македонското малцинство, образованието на мајчин јазик, промовирање на традицијата и културата, зајакнување на капацитетите за силна општина”.

 

 

реклама

Развод, отказ, преселба – кого ќе погоди помрачувањето на полната Месечина во Вага?

Read more

Зошто да ставите ориз во бањата?

Read more

Тимоти Шаламе собори рекорд што Џон Траволта го држеше 45 години

Read more

Давид Гета доби син со девојката Џесика Ледон

Read more

Регион

НАТО ја гради најголемата воена база во Европа - на Балканот

Read more

Вучиќ: Цел свет скока да ја брани Украина, а кога ќе ѝ украдат дел на Србија – тогаш ништо

Read more

Данска и Холандија ставија рампа на почетокот на преговори на Босна и Херцеговина со ЕУ

Read more

Што значи новиот План за раст за Западен Балкан?

Read more
 

Вести

Претепан возач на автобус на ЈСП

Читај повеќе

Стевчо Јакимовски и Катица Јанева на црната листа на САД

Читај повеќе
  • play_arrow

На Кубанците им дојде преку глава: Протестираат бидејќи нема храна и струја

Читај повеќе

Нови цени на горивата од полноќ

Читај повеќе
  • play_arrow

И по Путин – Путин: „Победата“ вечерва ќе се слави на Црвениот плоштад

Читај повеќе

Израел ќе му понуди на Хамас шестнеделно примирје за 40 заложници

Читај повеќе

ДУИ предупредува: Опозицијата со руско сценарио за политички немири по 8 мај

Читај повеќе

НАТО ја гради најголемата воена база во Европа - на Балканот

Читај повеќе

Неочекуван пад на залихите на нафта, цените скокнаа за 4%

Читај повеќе